Yoshlik (1917 - 1941)

Yoshlik (1917 - 1941). BO‘LAJAK UMR YO‘LDOSHI BILAN UCHRASHUV

Sharof Rashidov 1936 yilda Jizzax pedagogika texnikumini tugatib, o‘zi o‘qigan Jizzax maktabiga o‘qituvchi bo‘lib ishga kirdi. Uning shogirdlaridan biri keyinchalik uning rafiqasi bo‘lgan Xursand Boymatova edi.

Xursand Boymatova bu davrni shunday eslaydi: "Sharof aka Jizzax pedagogika texnikumini tugatgach, bizga adabiyotdan dars berdi. O‘sha paytda yettinchi sinfda o‘qir edim. Butun sinfimiz uning sehri ostida edi. Sinfimizda 36 nafar o‘quvchi, shu jumladan 10 nafar qiz bor edi. Sharof aka Pushkinning o‘nlab she'rlarini yoddan bilardi va ularni bizga katta ishtiyoq bilan o‘qib berardi. Uning sharofati bilan adabiyot darslariga oshiq bo‘ldik. Bir kuni men unga savol berdim: – “Ustoz, nega hamma sizni Sharofjon deb ataydi? Nega hamma sizni shunday yaxshi ko‘radi? — Chunki men ham hammani yaxshi ko‘raman, Xursandoy. Odamlarga qanday munosabatda bo‘lsangiz, ular sizga shunday munosabatda bo‘lishadi, deb javob berdi” – deya eslaydi Xursand Boymatova.

Sharof Rashidov Jizzaxdagi maktabda bir yil ishladi. 1937 yilda Samarqanddagi O‘zbekiston Davlat universitetining (hozirgi Samarqand Davlat universiteti) tarix-filologiya fakultetiga o‘qishga kirdi.

Keyingi qism