Birinchi sekretari (1959 - 1964). SHAROF RASHIDOV DAVRIDAGI O‘ZBЕKISTON
Rashidov uchun asosiy masala suv tanqisligi bo‘lib, suvsiz qishloq xo‘jaligini rivojlantirish va qo‘riq yerlarni o‘zlashtirish mumkin emasdi.
Qo‘riq yerlarni o‘zlashtirish
Qo‘riq yerlarni o‘zlashtirish g’oyasi Sharof Rashidovni shunchalik qiziqtirgan ediki, 1960 yili SSSR rahbariyati Mirzacho‘lni o‘zlashtirish bo‘yicha ishlarni to‘xtatishga qaror qilganida, u bunga qat’iy qarshi chiqdi. Moskvadagi rahbarlar uni eshitishni istamaganida, Sharof Rashidov va O‘zbekiston rahbariyatining bir necha a’zolari shaxsan Xrushchyov bilan uchrashishga erishdilar. Dastlab, Xrushchyov ham Moskvadagi rahbarlar tomonida bo‘lib, cho‘lni o‘zlashtirish davlatdan juda katta – to‘rt milliard rubldan ko‘proq mablag’ talab qilishini, ushbu mablag’lar boshqa rejalar uchun foydaliroq bo‘lishi mumkinligini takidladi. Biroq, Sharof Rashidov va uning hamfikrlari bunga javoban Mirzacho‘l SSSRda paxta yetishtirishni ko‘paytirishning ulkan manbai ekanligini, bu esa xarajatlarni katta miqdorda qoplaydigan yangi moliyaviy daromadlar keltirishini takidlashdi. O‘sha paytda paxta Sovet Ittifoqiga valyuta keltiradigan muhim manbalardan biri edi. Natijada, Xrushchyov bu so‘zlarni anglab, qarorini o‘zgartirdi.
O‘zbekistonning paxta yetkazib berish rejalari yil sayin ortib bordi. N.S.Xrushchyov, “Amerikani quvib yetish va undan o‘tib ketish”ga intilardi va qurg’oqchilikka qaramay, rejalarni oshirardi. Biroq, respublika har yili qo‘yilgan vazifalarni bajarib keldi: 1961 yili 3 million 600 ming tonna, 1962 yili 3 million 607 ming tonna paxta yig’ib olindi va 1963 yili O‘zbekiston 3 million 688 ming tonna paxtani topshirib rekord o‘rnatdi. Paxtakorlar butun mamlakat bo‘ylab qahramonlar sifatida sharaflandi.
