O‘zbekiston SSR oliy soveti prezidiumi (1950 - 1959)

O‘zbekiston SSR oliy soveti prezidiumi (1950 - 1959). 50-YILLARDA MADANIYAT, ADABIYOT VA SPORT

SHAROF RASHIDOVNING MAMLAKAT MADANIY TARAQQIYOTIGA QO‘SHGAN MUHIM HISSASI.

1956 yili Sharof Rashidov tashabbusi bilan Toshkentda birinchi telemarkaz ochildi va O‘zbekistonda televideniye tarmog’i rivojlana boshladi.

Shuningdek, 1956 yili keyinchalik respublikaning sevimli futbol klubiga aylangan “Paxtakor” jamoasi tashkil etildi. Jamoaga murabbiylik qilish uchun “Paxtakor”da eng yaxshi toshkentlik futbolchilarni jamlagan moskvalik tajribali murabbiy Valentin Bextenev taklif qilindi. Sharof Rashidov klub taqdirini diqqat bilan kuzatib bordi va sportchilarga yordam berdi – uning murojaatlariga binoan pul mablag’lari ajratildi va Rashidov tashabbusi bilan respublika ahamiyatiga ega 60 000 tomoshabinga mo‘ljallangan “Paxtakor” stadioni qurildi.

1958 yili Sharof Rashidov Toshkentda bo‘lib o‘tgan xalqaro yozuvchilar konferensiyasining tashabbuskorlaridan biri bo‘ldi. Anjumanda Osiyo va Afrikaning 37 ta davlatidan 204 nafar yozuvchi hamda Yevropa, Amerika va Avstraliyaning 13 ta mamlakatidan 22 nafar mehmon ishtirok etdi. Konferensiyada yozuvchilarning mustamlakachilik va imperializmga qarshi faoliyat dasturi bayon etilgan deklaratsiya qabul qilindi hamda Osiyo va Afrika Yozuvchilari assotsiatsiyasi tashkil etildi.

Shuningdek, 1958 yili Osiyo va Afrika mamlakatlari birinchi kinofestivali ham bo‘lib o‘tdi. 1959 yili Moskvada bo‘lib o‘tgan O‘zbekiston SSR San’ati va adabiyoti ikkinchi dekadasiga Sharof Rashidov delegatsiya rahbari sifatida o‘zbekistonlik ijodkorlarning uch yuzta kitobini va respublikadagi taniqli teatrlarning eng yaxshi spektakllarini olib keldi.

SHAROF RASHIDOV O‘ZBЕK SAN’ATINING TANIQLI VAKILLARINI FAOL QO‘LLAB-QUVVATLADI – U DUNYOGA MASHHUR SSSR XALQ ARTISTI TAMARAXONIMGA HOMIYLIK QILDI, ISTЕ’DODLI O‘ZBЕK SOVЕT YOZUVCHILARINI QO‘LLAB-QUVVATLADI VA 1950-YILLARNING OXIRIDA MOSKVADA TA`QIBGA UCHRAGAN KONSTANTIN SIMONOVGA YORDAM QO‘LINI CHO‘ZDI.

Keyingi qism