Yoshlik (1917 - 1941)

Yoshlik (1917 - 1941). BOLALIK

SHAROFNING TAVALLUDI

Sharof Rashidov 1917 yilning 6 noyabrida, bolshebiklarning Oktabr sotsialistik inqilobidan bir kun oldin tavallud topgan.

SHAROFNING TUG’ILGAN YURTI

Sharofning tug’ilgan yurti – qadimiy Samarqandning shimoli-sharqida joylashgan Jizzax nomli kichik shaharchaning chekkasidagi Sovungarlik qishlog’i. Jizzax Buyuk ipak yo‘lidagi tog’ dovoni yoqasida joylashgan karvonsaroy bo‘lgan. Bu mintaqa Mirzacho‘l deb ataladigan deyarli suvsiz hudud bilan chegaradosh. Hududning jonsiz va cho‘l manzarasiga qaramay, Sharof Rashidov har doim o‘z tugʼilgan qishlogʼi haqida iliq mehr bilan gapirar edi – keyinchalik esa, o‘zining birinchi romanini yurtining tavsifi bilan boshlagan.

Shaharni Mirzacho‘ldan himoya qilish uchun aholi quduqlar, ariqlar, dalalar va bogʼlarga katta mehr bilan yondashgan. Sharofning oilasi ana shu dalalarda mehnat qilgan. Uning otasi, Xalilov Rashid va onasi Xalilova (Nosirova) Qo‘ysinoy qishloqda ogʼir mehnat va kundalik turmush tashvishi bilan kamtarona yashagan oddiy dehqonlar bo‘lishiga qaramasdan, savodli va hurmatli kishilar bo‘lganlar.

SHАROF OILАSINING INQILOBDАN KEYINGI HАYOTI

Oilaning ahvoli inqilobdan keyin yaxshilandi: Sharofning otasi avval Jizzax militsiyasi safiga qo‘shildi, 1924 yildan “Qizil Karvon” arteliga aravakash bo‘lib ishga kirdi va 1929 yilda "Oktabr 10 yilligi" kolxoziga aʼzo bo‘ldi. Sharofning yana besh nafar aka-ukalari bo‘lib, ular Kamol, Sohib, Isom, Аsil va Nosir edi.
Ota-onasining moliyaviy ahvoli qanday bo‘lishidan qatʼiy nazar, bolalar otasi va onasidan o‘rnak olib, o‘qish va yozishni o‘rgandilar: Rashid va Qo‘ysinoy kam sonli savodli dehqonlardan edi.

NISBАTАN OGʼIR YASHАSH SHАROITIGА QАRАMАSDАN, YOSH SHАROF ZАRURIY BILIMLАRNI QUNT BILАN EGАLLАDI, MАSHАQQАTLI MEHNАT ORQАLI YUKSАK INTELLEKTUАL SАLOHIYATGА EGА BO‘LDI. O‘Z VАTАNI RIVOJIGА ULKАN HISSА QO‘SHGАN INSON HАYOTI SHU TАRIQА BOSHLАNDI.

Keyingi qism