Yetmishinchi yillarning birinchi yarimi (1970 - 1975). SH.RASHIDOV VA L.BRЕJNЕV
1973 йилда Ўзбекистонга Леонид Брежнев ташриф буюриб, республиканинг партия-хўжалик фаоллари олдида катта нутқ сўзлади. Унда у социализмни, партияни ва коммунистлар меҳнатини юксак баҳолади. Аммо раҳбарликка яқин бўлган кишиларнинг тахминига кўра, Л. Брежневнинг ташрифидан асосий мақсад партиянинг кадр масалалари билан боғлиқ эди. СССРда партия аъзоларининг порахўрлик билан ўралашиб қолиш ҳолатлари тез-тез қайд қилинар, шу боис, Л.Брежнев бу муаммо билан курашишга қарор қилган эди. 1974 йилда Ўзбекистон ССР Компартиясида қайта қуриш бошланди.
«МЕН ШАРОФ РАШИДОВ ВА БОШҚА ЎРТОҚЛАР БИЛАН РЕСПУБЛИКАДА ЮЗАГА КЕЛГАН САЛБИЙ ҲОЛАТЛАРГА ҚАРШИ КУРАШДИМ. БУЛАР ОЗ ЭМАСДИ ВА МАРКАЗИЙ КОМИТЕТНИНГ БИРИНЧИ КОТИБИГА ТИНЧЛИК БЕРМАСДИ. ЭСИМДА, БИР КУНИ КЕЧҚУРУН ШАРОФ РАШИДОВ МЕНИ ДАЛА ҲОВЛИСИГА ТАКЛИФ ҚИЛДИ... УНИ КОРРУПЦИЯ ВА ПОРАХЎРЛИК ИЛЛАТЛАРИ БЕЗОВТА ҚИЛАЁТГАНИНИ АЙТДИ. ЎША ВАҚТЛАРДА ИЧКИ ИШЛАР ВАЗИРЛИГИ БИРИН-КЕТИН ЖИНОИЙ ИШ ҚЎЗҒАРДИ. ВАЗИР ҲАЙДАР ЯҲЁЕВ ТЕЛЕВИДЕНИЕ ОРҚАЛИ ОЛТИН, ЗЕБ-ЗИЙНАТ, ҚЎЛГА ОЛИНГАН ПУЛЛАРНИ НАМОЙИШ ҲАМ ЭТГАН ЭДИ.
—КОРРУПЦИЯ БИЛАН ҚАНДАЙ КУРАШИШ КЕРАК? ҚАНДАЙ МАСЛАҲАТ БЕРАСИЗ? – ДЕЯ МУРОЖААТ ҚИЛДИ МЕНГА ШАРОФ РАШИДОВ.
–ЎЙЛАШИМЧА, ШАРОФ РАШИДОВИЧ, МАРКАЗИЙ КОМИТЕТ ПЛЕНУМИГА ТАЙЁРЛАНИШИМИЗ КЕРАК. СИЗ ЎЗ НУТҚИНГИЗДА БУ ҲОЛАТ ҚАТЪИЙ ВА ШАФҚАТСИЗ РАВИШДА ЖАЗОГА МАҲКУМЛИГИДАН БАРЧАНИ ОГОҲ ЭТИШИНГИЗ ЗАРУР. ШАХСИДАН, УЗОҚ ЙИЛЛИК ХИЗМАТЛАРИДАН ҚАТЪИ НАЗАР, ҲАММА ЖАЗОЛАНИШГА ЛОЙИҚ!
У МЕНГА МАСЛАҲАТИМ УЧУН МИННАТДОРЛИК БИЛДИРДИ ВА БУНИ АМАЛГА ОШИРИШГА ВАЪДА БЕРДИ. АММО АМАЛГА ОШИРОЛМАДИ», – ДЕЯ ЭСЛАЙДИ ЎЗБЕКИСТОН ССР МИНИСТРЛАР СОВЕТИ ҚОШИДАГИ ДАВЛАТ ХАВФСИЗЛИК ҚЎМИТАСИ (КГБ) РАИСИ ЭДУАРД НОРМАН.
Шароф Рашидов етмишинчи йилларнинг ўрталарига бориб англадики, коррупция бутун СССР бўйлаб кенг тарқалган, ўз республикасида умумиттифоқ миқёсидаги бу муаммо билан курашишга унинг кучи етмас экан.
