Sharof Rashidov 1959 yilda O‘zbekiston Kommunistik partiyasi Markaziy Komitetining birinchi sekretari lavozimini egalladi – u paytda Sh.Rashidov bu lavozimda besh yil ishlayman deb o‘ylagan edi. Ammo bu lavozimda u umrining oxirigacha mehnat qildi.
БУ ИНСОН ЎЗБЕКИСТОННИ БОШҚАРГАН ЙИЛЛАРДА МАМЛАКАТ ЖАДАЛ РИВОЖЛАНДИ ВА ГУЛЛАБ-ЯШНАДИ. ЎША ДАВР МУҲИТИ ВА УНИНГ ҲАЁТИ ҲАҚИДА ВАФОТИДАН СЎНГ МИЛЛИОНЛАБ ЎЗБЕКИСТОНЛИКЛАР – ОДДИЙ ДЕҲҚОНДАН ТОРТИБ, ПАРТИЯ РАҲБАРИГАЧА МАМНУН БЎЛИБ СЎЗЛАГАН.
Ижодкор зиёли ва билимдон киши сифатида у мамлакатнинг маданий ва тарихий меросини асраб-авайлашга алоҳида эътибор қаратди.
1970 йилда Самарқанд шаҳрининг 2500 йиллиги муносабати билан тарихий артефакт (муҳим аҳамиятга эга бўлган маданий бойлик)ларини асраб-авайлашга бағишланган кўплаб тадбирлар ўтказилди, шунингдек, шаҳар тарих музейи, опера ва балет театри, археология институти очилди.
1967-1970 йилларда “Ўзбекистон тарихи” деб номланган тўрт жилдик китоб ўзбек ва рус тилларида нашр этилди.
1973 йилда машҳур аллома Абу Райҳон ал-Берунийнинг 1000 йиллиги кенг нишонланди, унинг ҳаётига бағишланган “Абу Райҳон Беруний” номли бадиий фильм суратга олинди. Ушбу киноасар 1974 йилда Ўзбекистон Республикасининг Ҳамза номидаги давлат мукофотига сазовор бўлди.
70-йилларда Шароф Рашидов ташаббуси билан Тошкент шаҳрида Алишер Навоий номидаги адабиёт музейи, Самарқанд шаҳрида Садриддий Айний уй- музейи, Афшонада Абу Али ибн Сино, Тошкент шаҳрида В.И.Ленин музейлари очилди.
1970-1980 йиллар орасида ёзувчи Одил Ёқубовнинг “Улуғбек хазинаси”, Ойбекнинг “Навоий”, Комил Яшиннинг “Оловли йўллар” асарлари асосида тарихий сериаллар суратга олинди.
O‘zbek kinosining yuksalishi
70-yillar o‘zbek kinosining gullagan davri bo‘ldi. Ushbu davrda “O‘zbekfilm”da birinchi darajali ishlab chiqarish laboratoriyasi, dublyaj sexi va zamonaviy pavilonlar yaratildi. “O‘zbekfilm” suratga olgan filmlar soni bo‘yicha Markaziy Osiyo va Kavkazorti kinostudiyalari orasida yetakchi o‘rinni egalladi – yiliga 10-12 ta film kinoteatrlarga chiqarildi. Bu boshqa respublikalarda ishlab chiqarilgan kino ko‘lamidan kamida ikki barobar ko‘p edi.
Унинг раҳбарлиги даврида, яъни биргина 1971 йилнинг ўзидаёқ саҳнага қуйидаги бадиий фильмлар миллионлаб томошабинларни ўзига жалб этди:
19 миллион 700 минг томошабин кўрган “Қора консулнинг ҳалокати” фильми:
19 миллион 400 минг мухлисга манзур бўлган “У ёлғиз эмасди” бадиий фильми:
15 миллион 400 минг мухлис эътирофига сазовор бўлгап “Фавқулодда комиссар” фильми:
1973 йилда суратга олинган “Еттинчи ўқ” бадиий фильми эса ўз сеансларида 22 миллион 500 минг томошабинни қабул қилган.
ТЕЛЕВИДЕНИЕ РИВОЖЛАНДИ: 1971 ЙИЛДА “ШАРҚ” (“ВОСТОК”) ДАСТУРИ ИШ БОШЛАДИ. УНИ ЎЗБЕКИСТОН, ТОЖИКИСТОН, ТУРКМАНИСТОН, ҚИРҒИЗИСТОН, УРАЛ ВА СИБИРЬ АҲОЛИСИ МОСКВА ВАҚТИ БИЛАН ЭМАС, БАЛКИ ЎЗЛАРИ УЧУН ҚУЛАЙ ВАҚТДА КЎРИШ ИМКОНИГА ЭГА БЎЛДИЛАР.
