Yetmishinchi yillarning birinchi yarimi (1970 - 1975). SHAROF RASHIDOV VA MUSIQA
SHAROF RASHIDOV BOSHCHILIGIDAGI O‘ZBЕKISTONNI LIBЕRAL QARASHDAGI SOVЕT ZIYOLILARI MUSTAQIL FIKRLASHNI QABUL QILA OLADIGAN JOY DЕB HISOBLAGANLAR.
VAHOLANKI O‘ZBЕKISTONDA HЕCH QANDAY PROFЕSSIONAL DISSIDЕNT BO‘LMASA-DA, RЕSPUBLIKA RASMIYLARI DISSIDЕNTLARGA MARKAZGA NISBATAN BAG’RIKЕNG EDILAR.
Гитарали исёнкор хонанда Владимир Высоцкий ўзини Ўзбекистонда СССРнинг ҳеч бир жойидагидек ҳис қилган эмас. У Ўзбекистонга илк бор 1973 йилнинг сентябрида Таганки комедия ва драма театри таркибида гастролга келган эди. Высоцкий шу вақтга қадар олти йил давомида бутун мамлакат бўйлаб донғи кетган, спектаклларда иштирок этиш билан бирга концертлар ҳам берган. У фақат Тошкентда эмас, балки Навоий ва Чирчиқда ҳам қўшиқ куйлаган. Шу туфайли ҳам у меҳмонхонада эмас, ўз коллегияси қўним топган таниқли кинорежиссёр Георгий Юнгвальд-Хилькевичнинг уйида яшашини афзал кўрди.
КЕЙИНЧАЛИК ГЕОРГИЙ ТАЪКИДЛАГАН ЭДИКИ, “ВЫСОЦКИЙ ТОШКЕНТДАН ХУРСАНД БЎЛИБ ҚАЙТДИ ВА ДОИМО ШУ СЎЗНИ ТАКРОРЛАРДИ: “БУ МАМЛАКАТДА БИР ШИНГИЛГИНА ИНСОНИЙ ҲАЁТ ҚОЛИБ КЕТДИ"
Бироз муқаддам Ўзбекистонга Москванинг “Таганки” сатира театри гастролга келган эди. Ижодий жамоанинг Тошкентга ташриф буюриши хусусида театр актрисаси Татьяна Егорова мамнун бўлиб сўзлаган эди
“ЯЛЛА” – БИРИНЧИ АНСАМБЛЬ
Ўзбекистон – истеъдодли, хушовоз хонандалар юрти. 70-йилларнинг бошига келиб, биринчи профессионал вокаль-инструментал “Ялла” ансамбли пайдо бўлди. Унинг биринчи раҳбари Ленинград консерваторияси битирувчиси, пианиночи Евгений Ширяев эди. “Ялла” ансамблининг мусиқий ва ижро услуби ҳеч кимникига ўхшамас эди. Бадиий жамоа ижросидаги замонавий мусиқа Шарқ фольклори оҳанглари билан узвий уйғунлашиб кетган эди. Мусиқашуносларнинг таъкидлашича, 1971 йилда ўтказилган “Алло, биз талантларни излаяпмиз” телевизион фестивалида “Ялла” ансамблининг иштирок этиши ушбу гуруҳнинг кейинчалик янада оммалашувига имкон берди.
