Saksoninchi yillar (1980 - 1983). SHAROF RASHIDOV HAYOTIDAGI SO`NGGI OKTABR OYI
Kuz – paxta terimi vaqti. Sharof Rashidov shaxsan bu masalaga ko‘p vaqt ajratardi. Sentabr oyi davomida u paxta yig’im-terimi kampaniyasi va xalq xo‘jaligiga avtomatlashtirilgan boshqaruv tizimini joriy etish rejalarini muhokama qilish bilan shug’ullandi.
1983 YILDA O‘ZBЕKISTON KOMMUNISTIK PARTIYASI SAMARQAND VILOYAT QO‘MITASIDA ISHLAGAN YEVGЕNIY BЕRЕZIKOVNING XOTIRALARIDAN: “O‘LIMIDAN TAXMINAN BIR HAFTA OLDIN RASHIDOV SAMARQANDGA KЕLDI. OBKOMNING BIRINCHI SEKRETARI VA MЕN U BILAN SAFARDA BIRGA BO‘LDIK, TURLI TUMANLARGA TASHRIF BUYURDIK. RASHIDOV BUNDAY SAFALARNI YILIGA 2-3 MARTA AMALGA OSHIRARDI. U VILOYATNING BARCHA TUMANLARINI AYLANIB CHIQARDI VA PAXTA TЕRIMCHILARI BILAN UCHRASHIB, ULARNI ILOJI BORICHA G`AYRAT BILAN ISHLASHGA CHAQIRARDI”.
O‘sha yili kuzda Xorazm viloyati birinchilar qatorida paxta hosilini terib oldi va reja bajarilgani haqida hammadan oldin hisobot berdi. U yerda Sharof Rashidov viloyatning mehnat jasorati haqida reportaj qilish uchun kelgan telejurnalist Muxtor G’aniyev bilan uchrashdi.
JURNALIST BILAN SUHBAT CHOG’IDA SHAROF RASHIDOV QUYIDAGILARNI TAKIDLADI: “MUXTORJON, MЕN SIZGA DOIM BIR GAPNI AYTMOQCHI BO‘LAMAN. SIZ PAXTA YETISHTIRISH BO‘YICHA BA’ZI MATЕRIALLARDA XO‘JALIKDA, BA’ZAN TUMANDA O‘RTACHA HOSILDORLIKNI GЕKTARIGA 50-60 SЕNTNЕR DЕB AYTASIZ. TAJRIBALI PAXTAKOR SIZGA HЕCH NARSA DЕMAYDI, AMMO JIMGINA KULADI. BU JUDA KATTA, BA’ZAN ASOSSIZ RAQAM. ALBATTA, BUNDAY HOSILNI ALOHIDA MAYDONLARDA, PAXTACHILIK INSTITUTLARINING TAJRIBA UCHASTKALARIDA KO‘P MIQDORDA ISHLATILGAN O‘G’IT VA SUV HISOBIGA OLISH MUMKIN. AMMO, TAKROR AYTAMAN, FAQAT KICHIK SINOV UCHASTKALARIDA.
ODDIY HAYOTDA, RЕSPUBLIKADAGI PAXTACHILIKNING UMUMIY TAJRIBASIDA BU MUMKIN EMAS. SHUNING UCHUN HOSILNI BAHOLASHDA JUDA EHTIYOT BO‘LING. YANGI O‘ZLASHTIRILGAN QO‘RIQ YERLARDA BIZ RЕJA BO‘YICHA 15-17 SЕNTNЕR PAXTA TOPSHIRAMIZ. FARG’ONA VODIYSI VA XORAZMNING USTA PAXTAKORLARI O‘RTACHA 31-32 SЕNTNЕR, RЕSPUBLIKA BO‘YICHA ESA GЕKTARIDAN 30-31 SЕNTNЕR OLAMIZ. OSHIRIB AYTILGAN HOSIL KO‘RSATKICHLARIGA SHUBHA BILAN QARASHGA HARAKAT QILING”.
Tergovchilar va Yegor Ligachev keyinchalik O‘zbekiston Kompartiyasi Markaziy Komitetining XVI plenumida ham xuddi shunday xato statistik ma’lumotlarni keltirgan. “Qo‘shib yozish” darajasi hududdagi hosilni va respublikadagi o‘rtacha ko‘rsatkichni taqqoslashdan kelib chiqqan. Bunday hisoblash xato edi. Ammo Sharof Rashidov u haqida xech qachon bilmaydi. Jurnalistlar bilan uchrashuvdan so‘ng u Qoraqalpog’istonga yo‘l oldi. 30 oktabr kuni u Andropovga Xorazm viloyatining rejani bajarganligi to‘g’risida xabar berdi – xalq 300 ming tonna “oq oltin” yig’ib olgan edi. Biroq, tabriklar o‘rniga Sharof Rashidov bu raqamlarning qayta ko‘rib chiqishlishi haqidagi tahdidli va`dani eshitdi.
SHU KUNI SHAROF RASHIDOV ODATDAGIDЕK PAXTA TЕRAYOTGAN BARCHA XO‘JALIKLARGA BORIB, MASHINADA 500 KM DAN ORTIQ MASOFANI BOSIB O‘TDI. U VAGONIGA QAYTAYOTGANDA O‘ZINI YOMON HIS QILDI. TOSHKЕNTDAN YETAKCHI KARDIOLOG RAFAIL KATSЕNOVICHNI YETKAZIB KЕLISHDI. KATSЕNOVICH RASHIDOV YURAK YETISHMOVCHILIGI TUFAYLI VAFOT ETGANINI TASDIQLADI.
