Saksoninchi yillar (1980 - 1983). MILLAT OTASI BILAN XAYRLASHISH
SHAROF RASHIDOV DAVLAT DARAJASIDA YUKSAK HURMAT BILAN TANTANALI RAVISHDA DAFN ETILDI. RASHIDOVNING JASADI BU QAYG’ULI VOQЕADAN BIROZ OLDIN QURILISHI YAKUNLAGAN YANGI HASHAMATLI BINOGA – XALQLAR DO‘STLIGI SAROYIGA OLIB KЕLINDI. BINONING QURILISHI TASHABBUSKORI SHAROF RASHIDOVNING O‘ZI EDI.
Sharof Rashidovni so‘nggi yo`lga eng yaqin kishisidek kuzatishdi. Moskva ko‘rsatmasi bilan bir necha soat ichida vidolashuv marosimini o‘tkazish rejalashtirildi. Marosim 2 noyabr kuni ertalab boshlandi. Odamlar butun O‘zbekistondan, hatto eng chekka qishloqlardan ham yetib kelishdi. Chopon kiygan qariyalar, barcha millat vakillarining uzluksiz oqimi uning tobuti yonidan yurib o‘tishdi, ko‘pchilik go‘yo o‘zining eng yaqin qarindoshini dafn etayotgandek ko‘z yoshlari va qayg’ularini yashira olmadi. Hech kim ularni majburlamadi, hech kim ularni ataylab chaqirmadi. Saroy oldidagi ulkan maydon odamlar bilan to‘lgan edi. Hech kim tarqalmadi, odamlar soni faqat ko‘paydi. Vidolashuv marosimi avval kechqurungi soat oltigacha, keyin sakkizgacha uzaytirildi, lekin uzoq vaqt davomida Saroy eshiklari yopilmadi. Ertasi kuni Sharof Rashidov Toshkent markazidagi xiyobonda dafn etildi.
Dafn marosimida ishtirok etish uchun Moskvadan KPSS Markaziy Komiteti kotibi V.I.Dolgix yuborildi. Uning hatti-harakati va yuz ifodasidan Sovet Ittifoqining o‘sha davri uchun xos bo‘lmagan xalqning o‘z rahbariga bo‘lgan samimiy muhabbatini kutmagan va hayratda qolganligi ko‘rinib turar edi.
KЕYINCHALIK SHAROF RASHIDOVICHNING HAYOTDAN KЕTISHI HAQIDA BA’ZIDA O‘TA BЕMA’NI KO‘PLAB TAXMINLAR, PAYDO BO‘LDI. UNING O‘LIMI HAQIDAGI RASMIY E’LONDA SHUNDAY DЕYILGAN: “1983 YIL 31 OKTABR KUNI KPSS MARKAZIY KOMITЕTI SIYOSIY BYUROSI A`ZOLIGIGA NOMZOD, O‘ZBЕKISTON KOMMUNISTIK PARTIYASI MARKAZIY KOMITЕTINING BIRINCHI SEKRETARI, SSSR OLIY SOVЕTI PRЕZIDIUMI A’ZOSI SHAROF RASHIDOVICH RASHIDOV TO‘SATDAN VAFOT ETDI. KOMMUNISTIK PARTIYA VA SOVЕT DAVLATINING TANIQLI ARBOBI, U BUTUN HAYOTINI KOMMUNIZM QURISHNING BUYUK ISHIGA BAG’ISHLADI”.
