Ijod va partiyada rahbarlik faoliyatining boshlanishi (1945 - 1950). SHAROF RASHIDOV – “QIZIL O‘ZBЕKISTON” GAZЕTASINING YOSH MUHARRIRI
O‘zbekiston Kompartiyasi Samarqand oblast komitetining sekretari lavozimida Sharof Rashidov uch yil davomida ishladi. “1946 yil boshida Usmon Yusupov Sharof Rashidovni Toshkentga chaqirdi. Usmon Yusupov Sharof aka bilan xuddi eski tanishlardek samimiy salomlashib, “O‘g’lim, komsomol ishiga qanday qaraysan?”, - deb undan so‘radi. Sharof aka to‘satdan berilgan savol natijasida paydo bo‘lgan bu vaziyatdan chiqish oson emasligini tushundi va yuragidagi fikrni ochiq aytdi. U ijodiy ish bilan shug’ullanish istagi katta ekanligini aytib, iloji bo‘lsa, uni gazetada ishda qoldirishni so‘radi. Partiya Markaziy qo‘mitasining birinchi kotibi “Obkomda (viloyat qo‘mitasida) ish qiyinmi?” – deb so‘radi. “Gazeta menga yaqinroq”, – deb javob berdi Sharof aka.
Fikrlar bir-biriga to‘g’ri kelmaganini ko‘rgan Usmon Yusupov Samarqand oblast partiya komitetining birinchi sekretari Nosir Mahmudovga qo‘ng’iroq qildi va “Nosir Maxmudovich, o‘rtoq Rashidovni respublika komsomol tashkiloti markaziy qo‘mitasining birinchi sekretari lavozimiga tavsiya qilsak qanday qaraysiz?” – deb so‘radi.
Telefon orqali uzoq suhbat yakunida Usmon Yusupov: “Xayr, Nosir Mahmudovich, sizni tushundim”, – dedi va muhokama qilinayotgan masala bo‘yicha qat’iy rad javobini olganini yashirmasdan: “Nosir Mahmudovich juda o‘jar odam. Agar komsomolga bo‘lsa, bermayman deyapdi. Mayli, o‘g’lim, Samarqandda ishlab tur. Senga Toshkentda munosib ish topamiz”, - dedi.
“Кўп ўтмай, Шароф Рашидов «Қизил Ўзбекистон» газетаси бош муҳаррирлигига тайинланди. Оиламиз шу тариқа Тошкентга кўчиб келди”, дея хотирлайди Шароф Рашидовнинг рафиқаси Хурсандой Ғофуровна.
Sharof Rashidov o‘ttiz yoshida O`zbekistonning bosh gazetasi – “Qizil O`zbekiston”ga muharrir etib tayinlandi. Yuqori partiya va davlat lavozimlariga nomzodlarni o‘nlab yillar davomida tayyorlashgan bir paytda bu juda kam uchraydigan holat edi.
Sharof Rashidov bu lavozimga tayinlanishini yuksak mas’uliyat bilan qabul qilib, gazeta faoliyatini yuqori darajaga tashkil qilishga intildi – va ushbu nashr gazetxonlarga dunyodagi, Ittifoqdagi va O‘zbekistondagi barcha dolzarb mavzular to‘g’risida o‘z vaqtida va qiziqarli tarzda ma’lumot berib bordi.
“TAQDIR VA VAQT. VOQЕALAR GUVOHLARI VA ZAMONDOSHLARI BO‘LGAN AYOLLARNING OG’ZAKI HIKOYALARI JAMLANGAN O‘ZBЕKISTONNING O‘TMISHI” NOMLI KITOBDAGI DILORA MARDIYEVA XOTIRALARIDAN”: “URUSHDAN QAYTGAN SHAROF RASHIDOV VILOYAT QISHLOQLARI BO‘YLAB SAFARLARI TO‘G’RISIDA OTA-ONAM VA QARINDOSHLARIM MЕNGA TЕZ-TЕZ AYTIB BЕRISHARDI. U HAMMANING ISMINI BILARDI, HAMMA BILAN DO‘STONA MUNOSABATDA EDI. O‘QITUVCHILAR, PAXTA TЕRIMCHILARI, SHU JUMLADAN ONAM HAQIDA HAM MAQOLALAR YOZARDI. O‘SHA PAYTDA OTA-ONAMDA SHAROF AKAGA YAXSHI MUNOSABAT SHAKLLANDI VA ULAR HЕCH QACHON FIKRLARINI O‘ZGARTIRMADILAR”.
